Ilis (已結業)

中午食飯時間得一個鐘所以去山林道搵野食就最好，因為行去這條街大部份都係餐廳食肆咁就唔駛嘥時間周圍搵，之前見到這間餐廳內裡都是坐滿人今日我同同事都嚟試下先，中午有 set lunch 價錢唔貴唔駛一佰蚊就已經有牛油多士、湯或沙律，主菜同甜品跟餐飲沙律配醋汁酸酸甜甜好醒胃。香草牛油多士，今日餐湯係南瓜忌廉湯香草烤春雞，半隻春雞一啲都唔細隻啖啖肉好嫩滑唔嚡跟薯菜，有好多蔬菜好健康。紫穌梅醬烤豬扒，估唔到有驚喜好腍煎得好香剛剛好。烤紐西蘭肉眼扒，7成熟都唔韌有肉味跟唔同蔬菜一齊可以解油膩感覺。餐飲叫左杯熱咖啡，這餐真滿足。