女人街食飯公司

营业中

休息中

餐廳環境有特色。啲霓虹燈真係好靚。成日見到人去打卡。不過要食真係要book位。黑松露鮮蝦多士。最少要叫3件。多士上面有一整隻大蝦。🍤 蝦肉爽口多士冇油益味。配埋黑松露沙律醬。酸酸甜甜咁又幾夾。😋 不過一上枱要即刻食。放得耐左個多士會變淋。屋邨三鮮。有生腸鴨腎墨魚。鴨腎爽口。墨魚夠厚身。🦑 生腸就相對上普通。除咗麻油香。配埋甜醬黃芥辣好有街頭風味。😎酒香醉豬手。一上枱好大堆頭成座豬手山咁。😆 聞落已經聞到好香酒味。食落反而唔算好重酒味。豬手口感爽口。金銀蛋浸莧菜。除左鹹蛋皮蛋。仲有好多肉碎。上湯唔會太咸。清清地咁幾好。菜嘅份量兩個人食剛剛好。😌