Food Combo (已結業)

*是日晚餐好選擇*昨日同朋友食飯。兩個女仔食唔到好多野，所以叫左個蕃茄大蝦意粉開開胃，再叫埋小食拼盤滿足想食薯條既慾望🤤🤤蕃茄大蝦意粉🍝夏天食好開胃，蝦有啲脆脆地，配料有蕃茄洋蔥同埋炸蒜，炸蒜增添左口感， 我都幾鍾意❤️ 而且蝦都有3-4隻左右，絕對係足料！小食拼盤本身諗住細細碟咁，但點知個份量咁足既！ 除左招牌薯條，仲有雞翼，芒果大蝦沙律，紫薯餅，薯蓉，好豐富！值得一提嘅係佢哋呢度嘅生果真係超甜，芒果啖啖肉，仲要超甜，好滿足。紫薯餅睇佢好似平平無奇咁，點知食落去好軟，紫薯味都好香。個薯蓉正面評價係好滑！！但係佢用嘅唔係平時我哋食開嘅蘑菇，而係猴頭菇，有少少中式搭西式嘅感覺，我自己唔係好食得慣，但係睇吓大家鍾唔鍾意食呢種菇🤣食完咁多嘢，黎番杯鳳梨冰就超完整。除左最上面既鳳梨之外，仲有幾粒鳳梨係野飲入面，飲落透心涼之餘仲可以當甜品咁食！埋單兩個人都係二百幾蚊，食到咁飽，性價比都幾高😆環境方面，店面唔算好大，我哋夜晚七至八點去，人流都算多，每一台都坐滿晒，但空間感係有嘅，就唔算好迫。