Lady Nara

营业中

休息中

一直見呢間餐廳長期夜晚都好full，好難訂座，趁今日晏就嚟試下呢間嘅泰國菜，今次就嗌咗個四人餐試下。黃薑豬肉沙嗲豬肉串燒烤得香口，配上沙嗲醬作為餐前小食一流。田園沙律配黑松露醬及軟殼蟹軟殼蟹炸得香脆可口，沙律菜淋上黑松露醬，令到整體沙律口感冇咁單調。泰式椰子雞湯一飲落去充滿椰奶香，湯入面有雞肉同草菇，酸酸甜甜，幾推薦。燒雞扒扒配青木瓜沙律雞扒燒到外皮微焦，配上清新酸甜嘅木瓜沙律，減低雞扒嘅油膩感。海鮮冬蔭公意大利飯冬陰功意大利飯都幾驚喜，食落去每一啖飯都充滿冬陰功嘅味道，意大利飯沒有煮得太過軟糯。泰式炒金邊粉金邊粉感覺比平常粗身同有點煙韌，係我鍾意嘅口感，酸酸甜甜，幾推介。