茶茶Go

营业中

休息中

本身食飽飽諗住經登打士街返屋企，係茫茫人海中見到一個幾吸引嘅茶飲店，當然要盡興試下啦!呢間茶茶GO鋪頭細細，但係就超多選擇，連甜品都有。見到一盒盒蛋糕整齊排好就好想食，聽日先再減肥啦。金煌楊枝甘露🥭🥭估唔到係街邊都"飲"到楊枝甘露，望落層次分明，飲落口感豐富。👍🏻用料十足，啖啖芒果柚子味，因為方便飲用將一般楊枝甘露嘅西米換成愛玉，甜度適中，難怪成為銷售榜TOP ONE。🌟夏夜白桃烏龍🍑🍑相比起楊枝甘露無咁甜，味道比較清新。桃味茶味比例好好，互相輝映，最啱食完甜品解膩。Tiramisu盒子我去到邊度見到Tiramisu都會食，估唔到連茶飲店都有得食。Tiramisu盒子份量中足，層次分明。芝士份量都足，食到底散發咖啡味超級正。原味巴斯克🧀巴斯克蛋糕外表平平無奇，食落香濃芝士味，口感軟滑。相比起cafe價錢公道十分抵食。