NINETYs (星光行) (已結業)

晚上放工後與媽媽到尖沙咀一間海邊cafe食晚飯， cafe裝修好現代化，好舒服， 仲要有好大嘅落地玻璃 ，望到海港城同碼頭 ，夜景好靚，食物嘅質素都好高。餐單上有好多唔同嘅小食，主菜，飲品供選擇，價錢喺尖沙咀地帶嚟講算係適中。佢仲有好多嘅咖啡豆買,價錢都係適中嘅。佢嘅咖啡，茶，果汁啦都係好高質素嘅，有啲果汁係黎自法國。呢度落單係scan qr code 自己落order。鋪頭仲好貼心， 佢哋嘅digital menu 係有齊曬食物同飲品嘅相片。我就叫咗嚟自法國嘅果汁， 佢用一隻酒杯去上， 感覺好好高貴，好似去咗間高級嘅餐廳食晚飯。呢個係波士頓龍蝦意粉， 龍蝦有手板咁大隻， 肉質新鮮彈牙， 食得出係用料上乘， 意粉都好彈牙，有 好香濃嘅蕃茄香味。呢個蟹肉pizza係我嘅至愛, 佢加上明太子, 芝士 。pizza餅底係一塊薄薄嘅餅乾底，好香脆，口感一流 食落去好回味無窮。