漫花燈火OMG (已結業)

之前去左位於土瓜灣既漫花燈火，基本上餐廳每個位都可以打卡，要通過神秘大門先入到餐廳，一入到去有條萬花筒隧道，真係好靚！係揀野食途中，店員都主動地介紹左幾款野食同飲品比我地揀，佢地非常nice！野食方面，我食左蟹肉意大利飯同埋厚切豬鞍配蕃薯條，蟹肉意大利飯入面超級多蟹肉, 飯質軟硬適中! 而豬鞍煮到岩岩熟，蕃薯條炸得岩岩好！野飲方面都好滿足打卡需要。由於我地好晏去到既關係，甜品好多都買晒，下次要早D去食先得！