PHENOMENON WINE • DINE (已結業)

近期見唔少人嚟到呢間餐廳打卡剛好朋友生日選擇左黎呢度慶祝，特意提早打電話預留定窗邊位，來到景觀果然唔錯可以眺望維港景色，餐廳落地大玻璃，好像一間水晶屋，走歐式風格，食物方面，Sunset Menu，有法國魚子醬伴煙三文魚酸忌廉脆餅，法國新鮮生蠔，風乾火腿伴芝士拼盤，西班牙風乾火腿黑松露三文治，甜品方面有Phenomenon 提拉米蘇，呢幾樣野我最鍾意食係魚子醬伴煙三文魚酸忌廉脆餅魚子醬嘅味好鮮口，忌廉醬配煙三文魚好搭，另外法國Gillardeau生蠔都好新鮮，但芝士拼盤我就唔係好識欣賞，可能本身我唔好鍾意食，甜品提拉米蘇都幾重咖啡酒味，唔會太甜，整體上呢度都幾適合同朋友慶祝生日