啤啤Bear韓國包車 (已結業)

Happy Thursday 同朋友黎尖沙咀食韓國餐廳🥰 一出lift 就嘩左出聲，裝修好華麗，有個好可愛既啤啤熊，好多霓虹燈，環境好靚超適合打卡😍 我地食飯既時候見到枱枱既女仔都係度自拍🤣🤣餐廳好大，入面去行一個機舖風格，好特別，處處都係打卡位🥹鐵板芝士泡菜五花肉聽個名已經邪惡到不得了🤤 上到嚟有個爐，店員話煮溶芝士就可以食，果然不負所望！五花肉肥瘦剛好，泡菜整熱之後好香，同五花肉好夾，配上半溶芝士，完美🥹 蕃茄辣海鮮麵好大碗，我覺得可以三個人食🤣 勁多海鮮，推薦比食海鮮既人👍 因為朋友唔食得太辣，我哋同店員問可唔可以小辣，佢哋好Nice咁幫我哋remark 🫶 味道剛剛好蜂蜜檸檬水👍 唔會太甜，係健康嘅味道，食韓國菜辣辣地一定要叫杯凍飲🤣