鳴越越式料理 (已結業)

靚裝越菜@中環餐廳係喺地庫，我係畀呢個牌吸引到目光，哈哈！落到去發覺裝修都幾靚，啲位好好坐 價錢以中上環一帶嚟算係好親民，我哋仲加咗小食𠻹呀 😋朋友嗰杯係椰汁紅豆冰，佢話幾好飲。我嗰杯係青檸薏米水，清清哋好好飲 啲薏米幾有咬口。越式炸春卷好脆口，餡料包得滿滿，加咗生菜就更加清爽，無乜油膩感～另一個小食就係香茅雞中翼喇，雞翼都幾大隻，都係比較香口啲小食。越式火車頭非常大碗，個湯好清澈但好有牛味，河粉好滑嘟嘟～有齊生牛肉、牛腩片、牛丸、牛筋同牛柏葉，好啱鍾意食牛嘅我 👅 炒紅飯酸酸甜甜好開胃，仲有好多蛋絲𠻹。牛柳粒加咗黑椒，有少少辣但係好惹味。