滿樂中菜 (已結業)

First things first:* 環境一流！現代mixed 古式古香裝修風格* 食物份量唔多，茶費偏貴（$20位仲要加一）* 推介：脆皮燒腩仔、招牌片皮鴨一直都知道西九開咗嘅戲曲中心好靚，入面嘅餐廳：滿樂中菜剛營業時，亦已經有唔少媒體報道過。搵左日放完工同班姊妹就揀咗嚟滿樂中菜試吓，順便參觀埋戲曲中心😂😂環境黎講，佢嘅裝修係我好鍾意嘅風格。成間餐廳用玉器既碧綠色做主題，牆上面掛咗好大嘅壁畫，係淺色既花同植物類。餐廳佔地方幾大，座位多，有梳化位亦都有靜靜食飯既corner 位。佢哋連餐具都係用同一種綠色，淨係見到set 餐具已經好想買返屋企，好靚呀！😍😍食物方面，首先好想推介佢嘅脆皮燒腩仔。餐廳整燒味嘅位置屬半開放式，所以係會見到師傅喺度斬緊料，好估唔到佢整出嚟嘅燒腩仔咁好味。燒腩仔食落去係脆身，比一般街市買既貨色好味好多倍！伴碟仲有一啲芥末汁，同燒腩仔好夾。佢例牌嘅份量唔算特別多，加上好好味，我哋四個人好快就清晒😋另外想推介嘅，就係要提早預訂既招牌片皮鴨。佢嘅片皮鴨係分開兩次上，比一個細份我地食住等，然後師傅繼續片埋其他。每片片皮鴨嘅皮都好有油香同脆，但捲埋薑絲青瓜絲甜醬同薄餅