神石燒牛扒水產專門店 (淘大商場1期) (已結業)

新店係依段時間都要排隊入座，想試又唔想排咁耐隊，就要早些到。係門口有員工會為你點餐，即時付費。今次點了100g 美國黑裝和牛，100g薩摩和牛，追加鴨肝同虎蝦。自助區提供飯，昆布湯，水，餐具。有4款醬汁可選，而燒肉我會落岩鹽，簡單嘅調味才可食到牛嘅香味。100g美國黑裝和牛-雪花平均，雖然睇落好似雪花多過肉，但口感並不油膩，燒到全熟亦不硬。沒有雪味，新鮮。100g A5薩摩和牛-反而依個睇落冇雪花，但因脂肪層厚，燒到全熟食會有日本雪花和牛嘅口感，好軟，有少許油香。如果燒吾切，熱石凍左，可以叫店員換過塊。追加鴨肝同虎蝦-唔洗自己燒。蝦新鮮彈牙，大小適中。鴨肝配麵包，味道一般，鴨肝味不濃。