影片
更多
2020-11-12
421 浏览
上個星期諗住過嚟食，點知一嚟到就見到打晒蛇餅，就放棄咗。今日專登12:15喺公司出門口，一嚟到等咗10分鐘到就有位！望住佢個餐牌糾結咗一陣，究竟食1號定2號，同朋友商量完，就決定兩個都嗌晒，交換食！碗河粉一嚟到，第一件事就係跟佢嘅指引，飲一啖湯先！湯底有好香牛肉味，清清甜甜，完全唔似味精湯。之後再試左佢嘅牛丸，咬落去好彈牙，有咬口，仲有少少軟筋，好香和牛味。呢度嘅牛丸可以話係食過數一數二嘅好食！到慢煮牛條，反而覺得普普通通，幾軟身，但唔係特別好食。牛肉方面，我有嘗試跟佢嘅指引食，點醬！但發現醬料會蓋過牛肉本身嘅香味，都係就咁食好味啲。佢嘅半熟安格斯牛都係好軟身，唔會食到攝牙。總括而言，我覺得呢間餐廳係一間性價比極高嘅餐廳！70幾蚊有一碗咁好食嘅河粉絕對係超值之選！如果有興趣嘅朋友仔最好12:30前到，等位會快好多！
今日專登12:15喺公司出門口，一嚟到等咗10分鐘到就有位！
望住佢個餐牌糾結咗一陣，究竟食1號定2號，同朋友商量完，就決定兩個都嗌晒，交換食！
碗河粉一嚟到，第一件事就係跟佢嘅指引，飲一啖湯先！湯底有好香牛肉味，清清甜甜，完全唔似味精湯。
之後再試左佢嘅牛丸，咬落去好彈牙，有咬口，仲有少少軟筋，好香和牛味。呢度嘅牛丸可以話係食過數一數二嘅好食！
到慢煮牛條，反而覺得普普通通，幾軟身，但唔係特別好食。
牛肉方面，我有嘗試跟佢嘅指引食，點醬！但發現醬料會蓋過牛肉本身嘅香味，都係就咁食好味啲。佢嘅半熟安格斯牛都係好軟身，唔會食到攝牙。
總括而言，我覺得呢間餐廳係一間性價比極高嘅餐廳！70幾蚊有一碗咁好食嘅河粉絕對係超值之選！如果有興趣嘅朋友仔最好12:30前到，等位會快好多！
招牌春園河
$73
16 浏览
0 赞好
0 留言
张贴
