吞POT 雞煲火鍋.住家菜 (山林道) (已結業)

由於疫情嘅關係，已經好耐冇食個雞煲同埋打邊爐喇！由於而家疫情舒緩返啲，限聚令都放寬左，終於可以約朋友嚟打邊爐啦！一嚟到呢度，環境好闊落，坐得都幾舒服。黎到呢度，梗係要食雞煲啦，呢度有好多款選擇，仲可以揀湯底普通打邊爐添！我揀返最傳統嘅重慶麻辣雞煲，太耐冇打真係要過下癮人先得！雞煲一嚟到，真係超級香呀，職員話已經可以食得啦，我哋嗌咗小辣，味道剛剛好好惹味！朋友唔食得辣都接受到呢個辣度！正呀！我同朋友都係芫荽愛好者，額外嗌左碟芫荽放落雞煲度食，好好食好滿足！食晒啲雞之後，我哋就未落湯打邊爐住，因為我哋直接放啲靚牛落去，吸收晒雞煲啲精華！呢個食法都係朋友介紹，食過真係返唔到轉頭！下次一定要再試埋其他打邊爐湯底呀！