老沸爺火鍋 (已結業)

朋友話想試試呢間老沸爺，見佢個名幾得意，加上裝修好有中國feel,就嚟試試，講真係香港要做火鍋做得住，一定要多花臣又好食先留住啲食。呢間老沸爺都係走任飲任食路線，分別係188同288兩個價錢。我地當然揀左288啦，因為堅想試下佢個湯底有幾得，一上枱就覺得揀啱左啦，因為個鍋超大，店員仲推介鴛鴦湯底，等你試盡兩款燉湯。先講花膠蟲草鍋，湯底係好黃，睇到都知足料，飲落仲好滋潤膠質重花膠又多，好正，女士要飲多幾碗。另一款我地揀左燉烏雞湯，見佢用好多豬骨肴製，好潤又滋補，補氣又唔燥，飲完想再飲。288仲包海鮮如鮑魚扇貝大蝦及生蠔，雖然無得任嗌 佢只供應一次，但用料超新鮮又大隻，好鮮甜美味，反正都任食有太多選擇，啤酒汽水五花茶任飲，話明川菜火鍋，餐前小吃有麻辣拍黃瓜，黑木耳，脆黃豆同埋香辣烤豆皮，幾特別，唔太辣好惹味。火鍋料選擇都有大約四十款左右，雪花牛肩肉值得讚，叫左10碟，碟碟質素都一樣，無話越來越差。另外佢點餐方式用we chat 直接落單，方便又環保。