因為沾拉麵比較少食, 同埋我鍾意食粗拉麵, 所以今次都係叫返沾拉麵
見到店長每次都落手落腳招呼, 笑容真係100分耶, 唔客氣叫左個最貴既
鮮甜櫻蝦沾麵及同事叫左既鮮甜櫻蝦拉麵
鮮甜櫻蝦拉麵
鮮甜櫻蝦沾麵
經上次同事講過塊豚肉要厚返少少, 今次師父的確加厚左, 雪凍既流心蛋好好味
呢間舖奇怪在叫沾麵既麵係比拉麵粗, 應該話拉麵比較幼, 沾麵係平日食既正常Size.. 但聽聞粗幼都可以落單時要求。
湯跟上有點唔同, 上次我食濃湯, 真係好濃味, 今次係鮮甜櫻蝦湯, 湯濃而帶點蝦味, 我比較欣賞個湯底多過個麵。
因為沾麵關係, 所以湯一定要夠熱, 為左保持溫度, 都有安排有個電磁爐係旁邊方便加熱返, 好細心。
唯一係價錢上都比較貴, 差不多要90蚊一碗, 其他野飲係另計, 可樂都要10蚊, 對於只係返工食晏黎講同比較附近既拉麵店都比較貴少少。
