無敵家

营业中

休息中

呢排最hit嘅係乜嘢？梗係睇亞運比賽項目啦，對於鍾意運動嘅人嚟講。亞運進行得如火如荼，呢日同朋友喺佢屋企睇比賽睇得太耐，突然間想食嘢，咁就去佢屋企樓下，搵啲簡單又方便快捷嘅食物，唔要普通的快餐，例如大x活，大x樂，咁就食拉麵啦。兩個人嗌咗1個拉麵，1個炒飯同埋2個小食，好快食完又返屋企繼續睇比賽。第一個係“豬軟骨拉麵”，waitress 話我知，個湯底係用豬骨，白蘿蔔，紅蘿蔔同栗米一齊“熬”出來嘅，保證冇味精，建議我哋飲埋啲湯，人嘅身體係好誠實嘅，食埋麵，飲埋晒湯之後喉嚨完全冇事，like like.而豬軟骨都好腍好入味，拉麵亦好高質。“黑松露三文魚炒飯”食落有清香的松露味，三文魚切成粒狀，都好香口，啲飯又炒到粒粒分明，成個炒飯份量唔少够飽肚。"生蠔煙肉卷"，煙肉卷通常配蘆筍，今次配生蠔亦好惹味；"多春魚"通常冇得輸，2個小食作為兩份主食的點綴完全合格。