宮崎肉本舖 (已結業)

留意左呢間高級放題好耐，今晚終於去食！餐廳喺糖街嗰度，高層望住維園，感覺開揚。我哋食咗$698套餐，一開始有六款九州A5和牛，其中兩款（外後腿肉同埋五花腩）可以無限追加！！！每件和牛都好靚仔，油花十足。除咗A5和牛，仲有好多食物可以order，黑豚同埋日本地雞都係必食推介～咁多個部位，最好味係牛肋肉！油脂十分豐富同時牛味重，好食！仲有個和牛餃子，大大隻煎得香脆，入面仲好多汁。香草醬地雞腿肉都幾嫩，我哋都叫咗兩次。整到七七八八就嗌咗蟹味噌甲羅燒同埋雜菌，再飲埋個魚湯，真係飽飽的！甜品方面，仲有幾款雪糕同埋奶凍，我哋試咗抹茶，都唔錯。見到有個再貴啲嘅冬日餐單，下次過嚟豪食一下😍