影片
更多
2017-08-04
39 浏览
銅鑼灣登龍街而家變成一個新食肆聚腳點，隨著兩幢商業飲食大廈開咗，好多新餐廳進駐，其中之一間101台式火鍋尖沙咀有分店，之前試過唔錯，今次就黎試吓！店入面以卡位為主，都幾闊落。有啲位仲可以望到呢一個維港景色，又可以攞杯嘢飲出去邊飲邊嘆海景，打邊爐又有靚景睇真係好少有！打邊爐之前餐廳送上前台同埋醬料配菜，有雲耳同埋麻醬海蜇青瓜， 好開胃！我地點左台式沙茶醬雞煲做湯底，原來份量有咁多！一件件勁滑嘅雞用沙茶醬調味過，甜甜地有少少辣。而且仲有好多蔬菜做配菜，十分之豐富！過咗一陣，職員就送上新鮮炸起嘅炸魚皮同埋腐皮卷，份量好多，脆卜卜！好快牛肩脊都送到來，灼熟後又淋又甜，牛味好濃郁， 脂肪分布均勻！另外右邊係台式夜市火鍋拼盤，原來台式就係滷水拼盤， 將豬腸，雞翼，雞腎，牛肚，雞蛋滷到半熟後就用來打邊爐。幾特別。黑毛豬肉片好薄切，灼熟之後好淋好甜。第一版係固定食物，職員會隨人數送上適當嘅份量。 呢一個係追加單，食完已安排嘅食物先再追加比較好，因為原本已安排的食物已經好多。總括來講呢度食物同埋環境都十分之好！
店入面以卡位為主，都幾闊落。
有啲位仲可以望到呢一個維港景色，又可以攞杯嘢飲出去邊飲邊嘆海景，打邊爐又有靚景睇真係好少有！
打邊爐之前餐廳送上前台同埋醬料配菜，有雲耳同埋麻醬海蜇青瓜， 好開胃！
我地點左台式沙茶醬雞煲做湯底，原來份量有咁多！一件件勁滑嘅雞用沙茶醬調味過，甜甜地有少少辣。而且仲有好多蔬菜做配菜，十分之豐富！
過咗一陣，職員就送上新鮮炸起嘅炸魚皮同埋腐皮卷，份量好多，脆卜卜！
好快牛肩脊都送到來，灼熟後又淋又甜，牛味好濃郁， 脂肪分布均勻！
另外右邊係台式夜市火鍋拼盤，原來台式就係滷水拼盤， 將豬腸，雞翼，雞腎，牛肚，雞蛋滷到半熟後就用來打邊爐。幾特別。
黑毛豬肉片好薄切，灼熟之後好淋好甜。
第一版係固定食物，職員會隨人數送上適當嘅份量。
呢一個係追加單，食完已安排嘅食物先再追加比較好，因為原本已安排的食物已經好多。
總括來講呢度食物同埋環境都十分之好！
张贴
