Intervals

营业中

休息中

聽就聽得多啦，一路未試過。三月頭出trip當然要去睇吓啦。除咗用Credit卡之外，普通散叫都可以入去。冇晒入lounge quote, 只好俾錢 😅佢哋有個剛剛推出嘅Kebab set promotion, 見職員很用心推介及話供應期有限，於是就叫咗一set。有驚喜，沙律菜很新鮮，hummus亦很正宗，到主角出場，共有6串串燒，牛，雞及蝦，各2串，肉嘅質感很好，味道十分唔錯，整個set肉及菜做到平衡，有心思。個set可以包2杯酒類飲品，我地唔飲酒，所以叫咗招牌香水檸檬茶，不太甜，好refreshing。個餐好飽。如果可以包埋甜品就正啦。呢度個view好靚好開揚。啲職員全程服務都很好，有問我地食物是否ok, 亦幫我地check 登機閘口，亦提我地幾點要登機，真係好窩心。可惜今次時間不多，下次預多啲時間。下次一定要試吓佢哋啲Cocktail。 🍹🍸🥂2個人食到好飽，食完又匆匆要去boarding。