陶源酒家 (已結業)

睇完醫生剛剛2點，尖沙咀搵地方飲茶，鐘意I square係貪佢景觀好位置方便，放假想放鬆啲又唔想太嘈吵，陶源係一個唔錯嘅選擇。下午茶2點開始，唔少得叫左個特價秘制妙齡皇子鴿，每隻只需39. 8。上枱香噴噴熱辣辣，肉質超嫰滑，唔同坊間食過的肉質比較韌，肉汁泗溢，回味無窮。另外叫左個得獎名點，姫松茸 遼參粉菓（$24）粉菓皮晶瑩通透，姬松茸夠味又量多，配合遼參嘅爽口感十足。牛肉馬蹄拉腸粉（$24）有驚喜，皮晶瑩嫰滑，牛肉配馬蹄爽脆口感，又軟又滑，又夠厚身，好好食。總括嚟講，有靚海景又坐得舒服129落樓，每人65蚊高享受低消費。