影片
更多
2025-04-27
34 浏览
星期六返工之前食咗個好正嘅靚景好味早午餐到而家都仲回味緊！每個星期六、日同埋假期都會有供應，遲啲可以再約朋友食多次就好喇哈哈。今次係去中環7號碼頭嘅WATERMARK食呢個早午餐，上次去咗樓上嗰間餐廳食晏已經覺得好正，今次樓下呢間又有唔同嘅感覺喎！不過同樣都係有個無敵大海景送飯好正。行入呢條神秘又美麗嘅通道後四周都係落地玻璃好通透嘅無敵大海景，加埋超高樓底環境真係勁舒服。食呢個早午餐可以加$290任飲150分鐘嘅雞尾酒、氣泡酒、紅白餐酒同埋啤酒，鍾意飲酒嘅朋友可以爽飲。唔飲酒嘅可以加$60同樣係無限任飲，礦泉水、雜果賓治、汽水、果汁同埋青檸梳打。早午餐收$580/位一開波侍應陸續送嚟11款好正斗嘅前菜！呢個酸種麵包包身好軟熟搽埋個香滑嘅紫菜味牛油係正㗎。迷你羅馬生菜沙律好鬼新鮮同脆口，面頭有啲日式嘅飯素食落再惹味啲。跟住係淺漬油甘魚同埋淺漬帶子！擺到靚靚仔咁睇見已經好想食。帶子用咗昆布油嚟輕輕醃漬！味道好清香加埋帶子本身鮮味濃口感又柔軟好食呀。油甘魚同樣係好柔滑！佢用嘅係柚子味噌嚟漬，除咗魚味之外仲有少少柚子清香兩個味好夾。和牛他他食落口好嫩滑！配咗好有日式風味嘅金山寺味噌，擺喺脆多士
今次係去中環7號碼頭嘅WATERMARK食呢個早午餐，上次去咗樓上嗰間餐廳食晏已經覺得好正，今次樓下呢間又有唔同嘅感覺喎！不過同樣都係有個無敵大海景送飯好正。
行入呢條神秘又美麗嘅通道後四周都係落地玻璃好通透嘅無敵大海景，加埋超高樓底環境真係勁舒服。
食呢個早午餐可以加$290任飲150分鐘嘅雞尾酒、氣泡酒、紅白餐酒同埋啤酒，鍾意飲酒嘅朋友可以爽飲。
唔飲酒嘅可以加$60同樣係無限任飲，礦泉水、雜果賓治、汽水、果汁同埋青檸梳打。
早午餐收$580/位一開波侍應陸續送嚟11款好正斗嘅前菜！呢個酸種麵包包身好軟熟搽埋個香滑嘅紫菜味牛油係正㗎。
迷你羅馬生菜沙律好鬼新鮮同脆口，面頭有啲日式嘅飯素食落再惹味啲。
跟住係淺漬油甘魚同埋淺漬帶子！擺到靚靚仔咁睇見已經好想食。
帶子用咗昆布油嚟輕輕醃漬！味道好清香加埋帶子本身鮮味濃口感又柔軟好食呀。
油甘魚同樣係好柔滑！佢用嘅係柚子味噌嚟漬，除咗魚味之外仲有少少柚子清香兩個味好夾。
和牛他他食落口好嫩滑！配咗好有日式風味嘅金山寺味噌，擺喺脆多士度一齊食口感好豐富。
香滑嘅布拉塔芝士好有奶香仲一啲都唔羶！入面仲加咗好香甜嘅新鮮布冧仲有好多口感豐富嘅果仁，食落去味道同口感有齊一啲都唔簡單。
漬紅菜頭沙律用咗鴛鴦菜頭！紅菜頭唔係新嘢不過入面仲有平時少見嘅金菜頭就夠晒特別，仲要用八珍甜醋嚟調味呢佃絕對係我老婆大人嘅菜。
炸粟米餅整得好香粒粒爆汁粟米超甜，原來入面仲加咗紫菜食落仲更加香口啦。
烤西蘭花苗都唔係Hea煮㗎！烤到香口嘅菜上面加咗好特別嘅孜然仲配咗個甜椒醬，將平凡嘅西蘭花苗嘅味道變得好有層次。
烤一夜干魷魚食落去海水味濃，口感煙煙韌韌越嚼越好味。
最後一份前菜係烤豬腩肉！一層肥一層瘦嘅豬腩肉真係好鬼邪惡，一啖咬落去豬油嘅香味四散，跟住仲有紫蘇同埋辣椒嘅香味，呢個豬腩肉正到食兩件都唔夠喉呀。
嚟到每人一份嘅主菜識食梗係食牛啦！我另外加咗$120食呢件M7和牛後腰脊肉，粉嫩嘅肉色睇落真係好迷人，牛肉食落去都好嫩口點咗濃濃嘅肉汁會好味好多，旁邊嘅法式薯批又香又淋超好食，上面仲有哟羊肚菌同埋焦糖洋蔥勁和味。
老婆大人鍾意食海鮮加$220食隻龍蝦梗係冇問題啦！
烤原隻波士頓龍蝦大隻又新鮮，大廚加咗西京味噌、辣椒同埋海帶嚟煮龍蝦嘅鮮味就更加突出，大大件龍蝦食落去鮮嫩爽口好過癮。
最後仲有色彩繽紛甜品拼盤做飯後甜品！食埋甜品真係飽到上心口，呢個時候仲可以再慢慢嘆吓嘢飲，食足三個鐘嘅假日早午餐就係咁完結好唔捨得呀。
张贴
