Turtle by the Sea

適逢大時大節，一啲特別節日，或者食聖誕大餐，當然要諗啲有靚景同有feel嘅餐廳啦！今次就係西貢搵左Turtle by the Sea作為我同另一半嘅聖誕大餐去慶祝今年嘅聖誕💗餐廳係對住過海㗎 ！呢個180度嘅海景簡直係無敵！變成啲望出去勁有情調！而餐廳嘅vibe係勁舒適休閒！食物同飲品都非常有特色，質素高得來又唔會有距離感！因為呢個聖誕都凍冰冰，餐廳嘅Staff都好貼心，當有坐火爐隔離嘅客人離開時會主動問我哋想唔想轉呢個暖d日既位！親切度upppppp!🥰

【辣牛肉醬配粟米片】$138
作為一道前菜真心非常之出色！辣牛肉醬非常之香口，加上拉絲芝士個味道更加昇華！每塊粟米片沾上滿滿嘅牛肉醬簡直冇得彈！

【酥炸椒鹽魷魚鬚】$168
魷魚選擇得非常之鬆脆如其名一樣！佢仲有個醬汁可以沾食，又出奇地夾喎！

【忌廉黑松露野菌温泉蛋闊條麵】$178
最最最最鍾意就係啲咁creamy嘅意粉🥰淡淡都非常滋味！佢仲有一隻半熟嘅溫泉蛋，匙羹一割開入面嘅蛋黃流出嚟嗰下真係不得了！大推！

【Roasted Duck Pizza】 $198
平時食pizza好多口味都試過晒，呢度有一款烤鴨嘅Pizza，二話不說即刻點咗佢嚟試吓！佢呢個Pizza好有心思，配料上嘅選用令到個Pizza勁似食緊片皮鴨！超級加分！私心推介！

最後order咗兩杯嘢飲，包括【Green Day】&【Ask Me Every Day】，2杯特色mocktail 賣相吸引又好飲、呢間又靚景又有美食既Turtle by the Sea 係值得bookmark！