Isola Bar & Grill (已結業)

疫情終於有緩和，立即去食餐好嘅下午茶放鬆心情，順便補祝情人節。呢間餐廳在2樓轉角，望過對面便是ICC 及尖沙咀，整間餐廳長方形設計，大部分的枱都看到此靚靚的海景。餐廳裝修亦有格調，有好多特色的吊燈。見佢哋有折頭，所以叫了 Blue Treasures Tea Set。整體份量算多，好多都係貴價食物（原樽魚子醬、松露薄片），性價比高。首先生蠔真係好新鮮，好有海水味，體積唔算好大，但都好creamy，超高質素。第二矜貴嘅係原樽魚子醬配小型薄餅加炒蛋，呢款魚子醬唔會好鹹，亦唔會太腥，加上炒蛋放在小型薄餅上，味道好夾。最有驚喜係 Mayura Beef 加黑松露薄片，松露博片好清香，牛肉係炸脆表面放在三文治內，咬落去軟中有脆，牛肉味非常之濃，口感及味道好有層次感。當然cold cut 及芝士都係水準非常高，假如有更多生果配合，更能突出火腿嘅水平。甜品盒內有三款特色甜品 raspberry Cake, Pina Colada cake 及 Rum chocolate cake, 三款我都好鍾意。最後仲有一個中型嘅Tiramisu，咖啡味濃，唔會好甜，食完亦唔會覺得膩。