影片
更多
2018-06-10
385 浏览
荃灣真係好多好野食，是晚朋友book了枱在阿翁打邊爐，貪佢半任食，食材用靚料，加上環境濶落冷氣足，任食無限時，食足全晚都無問題呀～價錢星期一至四$298，星期五六日就要$328，九點後有八折，話貴又未係太貴，但平就一定稱唔上，視乎火鍋料如何，同個人喜好啦。是晚就預左好多野偈，有個無限進餐時間嘅餐廳好緊要，仲有野飲嘛。先加醬料，有辣醬，辣椒，蒜，蔥等，仲有wasabi，豉油有分火鍋豉油同刺身豉油，咁就梗係要哂佢啦。餐具乾淨，感覺不錯。飲品有茶，韓式飲品，罐裝啤酒等，都幾多元化。是日款式是蠔皇金錢花膠，大大塊花膠扣得入味，好味喎。按人頭份量嘅刺身，有 希靈魚，三文魚，北極貝，魷魚 ，好新鮮呢，三文勁肥美啊。火鍋湯底揀了芫荽皮蛋，好多芫荽勁香呀，正正正。主角海鮮盤到了，朋友就係為左佢而來的，佢勁鍾意食海鮮呀。有海蝦，青口，蚌，蜆，白鱔片， 脆鯇片，同龍蝦。極鮮甜，肉爽，貝類無砂，正呀～至尊水餃王，爆大隻，入面好多蝦，好鮮甜好爽口呀。阿翁極級牛頸脊，2人是細份量，但其實都唔細㗎，牛肉濃牛味，有口感，非常好味！細細片一口一片，滾得耐都唔會韌，入口嫩滑。跟住就係自己點嘅任食料，墨魚滑彈牙，墨魚粒不
價錢星期一至四$298，星期五六日就要$328，九點後有八折，話貴又未係太貴，但平就一定稱唔上，視乎火鍋料如何，同個人喜好啦。
是晚就預左好多野偈，有個無限進餐時間嘅餐廳好緊要，仲有野飲嘛。
先加醬料，有辣醬，辣椒，蒜，蔥等，仲有wasabi，豉油有分火鍋豉油同刺身豉油，咁就梗係要哂佢啦。
餐具乾淨，感覺不錯。
飲品有茶，韓式飲品，罐裝啤酒等，都幾多元化。
是日款式是蠔皇金錢花膠，大大塊花膠扣得入味，好味喎。
按人頭份量嘅刺身，有 希靈魚，三文魚，北極貝，魷魚 ，好新鮮呢，三文勁肥美啊。
火鍋湯底揀了芫荽皮蛋，好多芫荽勁香呀，正正正。
主角海鮮盤到了，朋友就係為左佢而來的，佢勁鍾意食海鮮呀。有海蝦，青口，蚌，蜆，白鱔片， 脆鯇片，同龍蝦。極鮮甜，肉爽，貝類無砂，正呀～
至尊水餃王，爆大隻，入面好多蝦，好鮮甜好爽口呀。
阿翁極級牛頸脊，2人是細份量，但其實都唔細㗎，牛肉濃牛味，有口感，非常好味！
細細片一口一片，滾得耐都唔會韌，入口嫩滑。
跟住就係自己點嘅任食料，墨魚滑彈牙，墨魚粒不少呢。炸魚皮夠脆，不過鹹。
其他有菇，蘿蔔，粟米等，三角形個粒係小燕餃，幾得意㗎，仲有竹笙，竹笙都任食喎！
任食的美國肥牛，都唔算差，收貨。
羊肉片好正喎，有羊味！
竹笙好爽口，吸湯一流，encore之選。
最後整返盤菜，吸左湯底好鮮甜。好多野食好好味，食下食下唔覺唔覺又過左三個鐘，朋友聚會的好選擇！！
张贴
