一樂小鍋 (已結業)

話說今日去完石門呢邊陪我個姨換新既智能身分證，換完之後覺得餓餓地想食番個下午茶先走，咁就喺商場入面睇下有咩小食啦，喺商場入面行左個圈就見到呢間一樂小鍋，阿姨話不如想食車仔麵，咁就入去試下啦。首先我覺得餐廳個環境都舒適，幾乾淨，唔似一般車仔麵鋪咁感覺污糟，啲櫈都坐得幾舒服。我叫左個三餸，有鮮蝦，牛腩，生菜紅菜頭麵。首先湯底我覺得清清地幾好，仲有我食完之後都無口渴既感覺，所以應該真係無落味精。麵質我覺得都幾好，硬硬地有口感，平時車仔麵都咁特別嘅麵條可以叫~健康得黎都幾好味，鮮蝦好大隻，分開上都體貼，唔會搞隻蝦淋哂，隻蝦仲要好爽甜又彈牙牛腩份量都多，夠淋夠入味，所以整體黎講個麵清得黎都幾好味，下次經過附近可以再試。