新泰東南亞餐廳

营业中

休息中

食泰國菜唔一定要去九龍城，今次喺尖沙咀發現咗呢一間店舖面積極寬敞嘅泰國舖頭，環境優美舒適，坐得舒服，枱面夠大，唔使就住就住叫菜，重點係有大圓枱，可以一大班人食。-泰式炒金邊粉 熱辣辣上菜，唔會太散又唔會太濕，加上有蛋皮做外層做裝飾，為賣相加分，而且食落又多一層口感。-細份嘅冬陰功湯雖然叫嘅係細份嘅，但係有2隻大蝦🍤，而且又唔會太辣，食落極開胃。-串燒沙嗲牛豬雞沙嗲醬一流！！！個花生味極濃，而且仲有啲花生碎粒，配埋啲串燒好惹味。-麵包焗咖喱軟殼蟹麵包好脆，黃咖喱甜而不辣，配埋軟殼蟹，簡直係多重口感嘅享受😎。不過要注意嘅係佢嘅分量，絕對係用料十足，2個人一定食唔曬😂 -椰青 大大個椰青，清甜清甜的。