光榮冰室 (兆和街) (已結業)

早就聽過光榮冰室既大名，Lunchtime 特登去試佢，門外早已有一條人龍仔。店外貼滿哂市民/客人既手寫memo，色彩繽紛，代表住對小店及香港人嘅支持。等左15分鐘就入得啦，佢既menu同坊間冰室差唔多，於是我就梗係要試下佢個午市特餐啦我點左雞扒烏冬+牛乳滑蛋多士雞扒新鮮即炸好脆口，但雞肉有少少乾，烏冬都煮得淋。個湯都唔太多油，所以覺得ok個滑蛋相當出色，滑溜好有蛋味，個多士係即烘，暖暖地又脆脆地，配住牛油既油脂香味一流總評：平靚正，大份夾抵食；最重要係佢係屬於香港人既冰室呢