茶木‧台式休閒餐廳 (杏花新城) (已結業)

茶木進駐杏花村呢個消息傳開後，各位街坊都高興又多咗個選擇，不過係負評如潮嘅情況下，大家都覺得試下好啦，唔好咁大希望。入得杏花新城，d裝修咁係有返咁上下，光顧開嘅都已經唔會再去研究個裝修咁多，直入主題...冬菇水餃面，味精超濃啊！大大粒冬菇，好入味，個水餃餡係全素嘅，更有木耳絲增加口感，整個面唯一嘅賣點其實係個台灣闊條面，除此之外，都冇乜特別，可以算係不過不失。呢個薯圈炸蝦算係全餐桌最好味嘅啦，炸得剛剛香口，配埋沙律醬，可以話係唔怕中招嘅菜式，點解咁講？皆因個照燒醬大雞排確實令人大跌眼鏡！一見到佢，我地嘅反應真係話"哇，真係好大塊啊！"但亦係我地拿期把刀去切嘅果一刻，我地承認，係我地太年輕，世面見得太少，原來，大，只不過係佢嘅表面，佢嘅內籠，係可以咁咁咁咁樣薄！冇錯！塊大雞扒應該係被醃製之前被好好刀工嘅師傅服侍過，薄如刀片，外衣(即係個層炸粉)實厚，難怪這個冬天不冷了！完全負分！！！對唔住，靚仔，我諗我地唔會再係呢到見！