Cafe Roma (已結業)

馬灣這地方對筆者很是吸引，即便是星期六這邊亦是相當幽靜，遠離煩囂。言歸正傳，因為同女友慶祝生日，所以book咗一間餐廳，這邊食肆本身不多，所以能夠望住霓虹燈映襯著青馬大橋進餐嘅位置更為之少，所以早啲book位穩陣。一入座侍應都好親切咁講一講今晚有咩推介同有咩菜式無提供。最後揀咗雜菌意大利飯，芝士肉腸薄餅同心太軟。首先好快就上咗個雜菌飯，中上水準，雜菌夠香，飯粒夠入味，唔錯。到個薄餅喇，芝士個味都幾意外估唔到咁濃，意外地好食，最後心太軟等我地食晒侍應先上菜，正常水準啦。總括而言，環境氣氛唔錯，食物服務等都OK，如果再黎馬灣都可以再試其他菜式。