金泰園 (已結業)

百無聊賴同朋友行去青衣，病左幾日口淡淡想食d開胃嘢，刺激一下味蕾！搵搵下見到長發廣場有間金泰園，即刻同朋友試下！酸辣鳳爪嘅調味做得唔錯，魚露同紅辣椒比例啱啱好，入味得黎又唔會太辣！馬拉盞炒通菜幾有驚喜，大廚用咗大量嘅炸蒜頭令到通菜的香味層次升級，而適量嘅紅椒同鹹魚帶出鹹香，最重要係煮得夠晒獲氣🤩泰式咖喱大蝦嘅咖哩唔係辣味，而係甜香嘅椰香味， 蝦相當大隻得嚟仲好新鮮，鮮味十足無仲雪藏味，肉質仲彈牙厚實🙌咖喱炒飯加入大量蛋白黎炒，所以聞落去已經好香，飯炒得乾身粒粒分明，我鐘意加埋咖喱大蝦嘅汁一齊去食，更香口惹味，兩個人好快就KO左成碟飯！最後佢地還附送左甜品，劃上了一個完美句點。😚