玖子茶 (長發廣場)

营业中

休息中

🥢星期日向青衣行完山，落到去長發邨咁啱下午茶時間，又好肚餓，見新開咗間冰室，就入嚟試下。🥢因為好肚餓好想食飯，我叫咗醬香肉燥滷蛋飯，都係$29，用手機落單揀左多飯，心諗加左飯份量都唔會多得去邊，點知一上碟份量唔似下午茶，都幾多飯。滷肉切得細細粒好入味，仲有半隻滷蛋。🥢朋友就叫咗必食蔥油雞飯，都係$39。雞件又煮得幾嫩又滑身，吸收哂蔥油既香味。朋友叫左正常飯份量，但下午茶黎講都夠飽肚。🥢我哋仲叫咗份主餐牌既鮮油咖映多士$29，真係超邪惡，塊牛油好厚，多士包熱熱地又脆脆的👍🏼👍🏼🥢隨餐仲送前菜一細碟，同包嘢飲，凍飲只係加$3，我哋叫咗凍檸茶同熱華田。