前門飯莊 (已結業)

今日同大食男友約左人黎青衣城, 順道食lunch, 大食男友見到呢間酒家就話想試試, 其實我兩三年前食過一次, 由於當時質素係淨係記得每碟菜都好多油, 同味道極一般...所以呢段時間都無再食過, 咁大食男友話想試, 咁我就是但試下啦(扮小鳥依人mode😝)；一開餐牌都幾開心, 佢地午市套餐價錢真的算抵, 一個餐(包湯+一個小食+主菜+飯/麵), 唔怪得平日lunch時間都7-8成滿, 在純住宅區算是唔錯, 我地哪左兩個餐 (蒸素菜餃、炸雲吞、黑醋排骨、白菜炒肉片), 蒸素菜餃皮夠Q且薄, 內裡的菜份量同味道剛剛好；炸雲吞炸得鬆脆, 餡料打成膠狀幾得意👍🏻;黑醋排骨炸得夠脆身, 而且咬落沒有成口油既感覺, 汁既酸甜調得剛剛好(本人愛較濃味的😋)；至於白菜炒肉片呢道家常菜就油左少少；漏影左菜飯, 菜飯飯身軟硬適中, 味道都好, 只是菜切得較大粒😅