佐賀山田 (已結業)

青衣城一人火鍋佐賀山田，真係可以講係坐得舒服，食得舒適！朋友相聚熱熱鬧鬧一人火鍋乾淨衛生；今次嚟食選咗個D餐，可以盡情咁樣食美國SRS和牛和各款牛肉，真係開心！首先揀湯底，我就揀咗個鴨血麻辣鍋，朋友就揀咗個胡椒豬肚鍋做湯底，跟手就不停咁樣選各款牛肉，選到成枱都係牛肉，其實真係分唔到邊啲打邊啲嘅牛肉，但係真係每一款淥落去都超淋，超好味，超有牛肉味；關鍵最重要，就係千祈唔好淥得太耐，最多30秒！件件都淋，滑和牛肉味超強！真係食到唔停得口；再加上叫咗少少嘅海鮮，如蝦，廣島蠔同埋北北芪貝，真係美味無窮！當然唔少得成個飲品櫃所有飲品任飲，雪糕和雪條任食，近期雪糕係聖誕面貼限定，真係又食得又睇得！仲有麵豉湯，溫泉蛋和甜品蛋糕仔，真係食到唔停得口，雖然只有90分鐘，但係都已經食得好滿足，和朋友亦都傾得好暢快，真係青衣城食牛肉火鍋不二之選。