而打淥滷汁拌粉 (青衣城2) (已結業)

🚩而打淥滷汁拌粉封咗關咁耐，真係好掛住台灣嘅味道～今日嚟到青衣城，一入商場就聞到滷水汁嘅香味🤤雖然店舖細細間，但佢嘅配料有好多俾你揀，睇到我有選擇困難症！值得一提嘅係佢有台式麻辣燙，問完先知原來佢比一般國內嘅麻辣燙，多咗一種甜味，等我下次先試下〰️〰️〰️〰️〰️〰️〰️〰️〰️〰️〰️〰️〰️〰️〰️🌈輕盈肆拼 $54呢個拼盤主要素菜為主，套餐包括左鵪鶉蛋，蘿蔔，花椰菜，蓮藕片。蘿蔔睇啲色水就知正啦，平時唔食蘿蔔嘅我，今日快速清曬！味道來講滷水味係偏甜，唔似我哋傳統嗰隻滷味得個鹹～可以講係OL必叫，健康又美味～🌈豬手拼豬耳絲 $44落咗單之後，店員會將你order左嘅野再浸多一次滷水汁～隻豬手好似我隻手咁大，滷得好淋好入味！滷水汁好香八角味，真材實料～豬耳卜卜脆，睇個色都知好入味！連佢嘅配菜花生都好好食😋