影片
更多
2022-12-28
396 浏览
本身想畀個ok佢。咁諗係要問係ok就以為唔使改善都係畀個喊樣佢好。話說食嗰一日係新開張。同愛人一齊去食叫做試下咁啦。唔夠膽叫太貴所以叫咗個Set D。來到盤肉都擺到幾精緻幾靚嘅。咁當然食得燒肉放題梗係會預先追加㗎啦張枱又唔係真係咁大，有趣地啲侍應唔知做乜鬼嘢明明其實唔夠位都硬係要塞落嚟，我只係唔覺意拎起咗隻碟食塊肉我本身擺啲嘅位就已經畀佢霸佔咗。有啲人可能會話係我自己抵死做乜要咁多，問心，你會唔叫定咁多先咩？喺香港食得放題都知廚房一定會dum你波鐘。更奇特嘅係，當你張枱冇位嗰侍應會企喺度你枱側邊拎住隻碟期待你會接住隻碟或者係你會郁下張枱嘅嘢等佢有位擺。我愛人好好人咁接住咗隻碟，但係我真係好想睇下我唔接隻碟又唔郁枱面啲碟佢會點做。其實我咁樣真係好mean咩？基本禮貌，你講聲請我哋幫手都得啩？我而家冇話唔幫你，但係唔出聲企多度算咩意思？其實唔只係咁，其他青少年都好有趣。行過諗住幫你執嘢，或者係放低碟肉，都係唔會出聲無聲無息咁就幫你收咗或者放低咗，另外一個負責換網嘅就好似雜耍咁。佢用嗰支籤插住個網都未插得實就已經急不及待咁想拎走佢。見佢倒跌咁真心驚…再有趣啲，有個青少年侍應，我相信佢都係第一
咁諗係要問係ok就以為唔使改善
都係畀個喊樣佢好。
話說食嗰一日係新開張。
同愛人一齊去食叫做試下咁啦。
唔夠膽叫太貴所以叫咗個Set D。
來到盤肉都擺到幾精緻幾靚嘅。
咁當然食得燒肉放題梗係會預先追加㗎啦
張枱又唔係真係咁大，
有趣地啲侍應唔知做乜鬼嘢
明明其實唔夠位都硬係要塞落嚟，
我只係唔覺意拎起咗隻碟食塊肉
我本身擺啲嘅位就已經畀佢霸佔咗。
有啲人可能會話係我自己抵死做乜要咁多，
問心，你會唔叫定咁多先咩？
喺香港食得放題都知廚房一定會dum你波鐘。
更奇特嘅係，當你張枱冇位
嗰侍應會企喺度你枱側邊拎住隻碟
期待你會接住隻碟或者係你會郁下張枱嘅嘢等佢有位擺。
我愛人好好人咁接住咗隻碟，
但係我真係好想睇下我唔接隻碟
又唔郁枱面啲碟佢會點做。
其實我咁樣真係好mean咩？
基本禮貌，你講聲請我哋幫手都得啩？
我而家冇話唔幫你，但係唔出聲企多度算咩意思？
其實唔只係咁，其他青少年都好有趣。
行過諗住幫你執嘢，或者係放低碟肉，
都係唔會出聲無聲無息咁就幫你收咗或者放低咗，
另外一個負責換網嘅就好似雜耍咁。
佢用嗰支籤插住個網都未插得實
就已經急不及待咁想拎走佢。
見佢倒跌咁真心驚…
再有趣啲，有個青少年侍應，
我相信佢都係第一日返工㗎喇。
求其放咗啲藥喺我枱面然之後
佢問：「欸……你哋有叫嘢食㗎可？」
我回：「有…但係呢啲咩黎？」
佢答：「欸……有叫嘅話應該係你哋嘅。」
我回：「我係問你呢碟咩黎。」
佢答：「欸…張紙仔唔見咗所以我唔知係咩嚟」
我問：「你唔見咗張紙仔點知呢啲肉就係我嘅呢？」
佢答：「欸…咁你哋有叫嘢食吖嘛…」
我話：「咁即係你唔知係邊個就求其放喺我度啦？」
佢老細咁啱行過聽到就即刻衝埋嚟講唔好意思，
然後再教個小朋友唔知係咩呢就亂咁畀啲客。
其實呢間嘢啲嘢食認真唔差(暫時)，
佢個蝦刺身其實好好食(我食嗰日係)
又有個甜品吧有個廚師專登為大家整窩夫
佢個窩夫都唔錯㗎，
仲有mövenpick嘅雪糕添(唔知之後仲係咪)
但係唔該啲小朋友，真係教下佢哋啲禮貌。
學校冇教到，家長冇教到，佢哋真係唔識㗎～
做錯嘢唔使講sorry或者對唔住㗎
因為由細到大都有爸爸媽媽喺側邊同佢哋講咗喇嘛。
尤其是呢間嘢上到高級啲嘅course價錢都唔係平，
唔好因為服務搞到自己唔值呢個價啦。
p.s. 其實我就唔係呢幾日食嘅，希望之後有改善啦。
张贴
