大家樂 (旺角中心第一座)

营业中

休息中

從來在大家樂lunch我只會點較'穩陣'的一哥焗豬，但近日睇到大家樂竟然搵股評人青姐賣廣告，仲要玩埋感動流涙，絕對令人估佢唔到。因為這個組合新奇的廣告實在太有噱頭，我決定一試龍與鳳.旺區人多車多，但好處是員工工作更快手，不需多等已經可以開餐。廣告中強調白汁裡有新鮮海蝦，現實是海蝦size較小但可以接受，數量適中，口感尚算爽口，惟未算十分彈牙。白汁屬standard, 味不算濃。紅汁味道適中，不會過甜或酸。雞柳切絲稍嫌數量較少；而紅白汁再切絲影響下雞味一般，可幸肉質仍算OK。太極鴛鴦炒飯連飲品盛惠$30，在這個時勢這個價錢及質素算抵食；再加埋揾青姐賣廣告，有創意，值得一試。