影片
更多
2023-06-15
14 浏览
今晚去左旺角試一間特色火鍋店，成間火鍋店都係以露營為主題，有6成既坐位係露營枱同凳，餐廳既裝修是以露營民族風為主調，環境令人好chill。而且店員好親切友善，以客人舒適自在為首要，安排好坐位後同時會介紹餐廳推出既優惠。我地聽完佢介紹都揀左今次既圍爐餐，食物分量好足，有齊不同種類。湯底正正就係主打：花膠雞（半隻）湯底，材料好足，花膠起碼有6-8件。店員上好湯底就同我地講先慢火煲一煲，一煲起就熄火，店員就會立即幫我地撈起分雞，我地就可以食下花膠飲下濃湯，湯底勁甜、濃郁，重有少少膠質，滿滿既膠原蛋白。試埋隻雞重驚喜，因為好嫩滑，有雞味👍🏻另一賣點一定係安格斯牛小排，雪花紋均勻分佈，但唔係好肥，牛味出眾，入味軟腍。中山脆肉鯇魚片，厚身爽脆，完全無土腥味。韭菜餃好食，皮同餡料均勻，好香韭菜味～黑白無常都係墨魚丸，試左白色，夠彈牙，有少少墨魚肉。重有炸枝竹、蓮藕片、秀珍菇、油麥菜、水晶粉，都係打邊爐既大路野食，以新鮮為先，質素有保證。另外我地再散叫芝心牛丸、即炸響鈴、粟米、手打烏冬。芝心牛丸好好食，煮都芝士溶晒，一咬入去又有牛肉味，又有芝士槳，不過一定要小心食。而響鈴都係必食之選😋即食又得，浸一浸
湯底正正就係主打：花膠雞（半隻）湯底，材料好足，花膠起碼有6-8件。店員上好湯底就同我地講先慢火煲一煲，一煲起就熄火，店員就會立即幫我地撈起分雞，我地就可以食下花膠飲下濃湯，湯底勁甜、濃郁，重有少少膠質，滿滿既膠原蛋白。試埋隻雞重驚喜，因為好嫩滑，有雞味👍🏻
另一賣點一定係安格斯牛小排，雪花紋均勻分佈，但唔係好肥，牛味出眾，入味軟腍。
中山脆肉鯇魚片，厚身爽脆，完全無土腥味。
韭菜餃好食，皮同餡料均勻，好香韭菜味～
黑白無常都係墨魚丸，試左白色，夠彈牙，有少少墨魚肉。
重有炸枝竹、蓮藕片、秀珍菇、油麥菜、水晶粉，都係打邊爐既大路野食，以新鮮為先，質素有保證。
另外我地再散叫芝心牛丸、即炸響鈴、粟米、手打烏冬。芝心牛丸好好食，煮都芝士溶晒，一咬入去又有牛肉味，又有芝士槳，不過一定要小心食。而響鈴都係必食之選😋即食又得，浸一浸湯食又得。
最後記得like埋餐廳既社交平台，會有多一分炸饅頭，熱辣辣，外脆內軟，好食。
张贴
