影片
更多
2023-11-27
57 浏览
今日約咗朋友喺觀塘食飯， 平時大商場嘅食肆都食唔少，今次就去咗商貿區嗰邊搵嘢食。見到呢間以露營做主題嘅餐廳都幾特別，就入去試試👭🛎白酒香草牛油大蜆意粉🍝 $148對呢個意粉嘅第一印象就係啲蜆好大隻😍佢唔係淨係得個殼大，而係入面嘅蜆肉十分之飽滿。一上枱就忍唔住試咗幾隻，一咬落去，充滿海鮮味既肉汁就爆出，好少見餐廳上嘅蜆肉意粉有咁高質素嘅蜆肉。意粉就用白汁同香草醬配上三色椒煮成，香甜嘅意粉配上微鹹嘅蜆肉係十分好嘅配搭🤩🤩🤩🛎 巨型豬扒配薯菜 $188呢個豬扒絕對對得住佢嘅名,塊豬扒大得誇張,足足蓋過咗成個碟，厚度十足。🐖豬扒嘅口感鬆軟，配上自家調制嘅惹味黑椒汁，有一種大朵快頤既快感。幼薯條亦都炸得十分香脆，加上多汁嘅焗蔬果同煙肉卷，成道菜係十分繽紛🎉🛎 阿華田脆脆奶蓋瀑布蛋糕配提拉米蘇雪糕🍮 $108本身已經好飽，不過見到隔離枱嘅甜品都幾吸引，就點咗一個嚟試~將個膠邊抽起，本身喺蛋糕上面嘅阿華田奶蓋就好似瀑布咁淋滿成個蛋糕，視覺效果一流💯蛋糕係一個鬆軟嘅海綿蛋糕，中間隔咗一層香滑嘅忌廉，配上阿華田奶蓋入口即溶。而側邊嘅雪糕係冧酒同咖啡味濃郁之餘口感亦都細滑~🛎 紅都面曬 pink grap
🛎白酒香草牛油大蜆意粉🍝 $148
對呢個意粉嘅第一印象就係啲蜆好大隻😍佢唔係淨係得個殼大，而係入面嘅蜆肉十分之飽滿。一上枱就忍唔住試咗幾隻，一咬落去，充滿海鮮味既肉汁就爆出，好少見餐廳上嘅蜆肉意粉有咁高質素嘅蜆肉。意粉就用白汁同香草醬配上三色椒煮成，香甜嘅意粉配上微鹹嘅蜆肉係十分好嘅配搭🤩🤩🤩
🛎 巨型豬扒配薯菜 $188
呢個豬扒絕對對得住佢嘅名,塊豬扒大得誇張,足足蓋過咗成個碟，厚度十足。🐖豬扒嘅口感鬆軟，配上自家調制嘅惹味黑椒汁，有一種大朵快頤既快感。幼薯條亦都炸得十分香脆，加上多汁嘅焗蔬果同煙肉卷，成道菜係十分繽紛🎉
🛎 阿華田脆脆奶蓋瀑布蛋糕配提拉米蘇雪糕🍮 $108
本身已經好飽，不過見到隔離枱嘅甜品都幾吸引，就點咗一個嚟試~
將個膠邊抽起，本身喺蛋糕上面嘅阿華田奶蓋就好似瀑布咁淋滿成個蛋糕，視覺效果一流💯蛋糕係一個鬆軟嘅海綿蛋糕，中間隔咗一層香滑嘅忌廉，配上阿華田奶蓋入口即溶。而側邊嘅雪糕係冧酒同咖啡味濃郁之餘口感亦都細滑~
🛎 紅都面曬 pink grapefruit soda $48
我一向都對柚子梳打情有獨鍾，呢個有柚子打氣量十足，而且果味濃郁。最特別就係廚師好用心咁將柚子切成咗兔仔形狀，非常之適合打卡🍹
🛎 阿婆的秘密 🍎Apple smoothie $48
又係另外一杯賣相滿分嘅飲品。呢杯沙冰十分之綿密，亦都食得出佢入面係有大量嘅果肉，蘋果亦無酸味，每一啖冰都有豐富嘅青蘋果味。
🌐 環境/服務
舖頭以露營為主題，枱櫈都用上戶外餐桌同埋露營櫈，仲有一架露營車喺店內可以畀小朋友上去玩。亦都見到有戶外嘅綠化空間可供用餐，加上休閒嘅音樂就畀咗我哋一種忙裏偷閒嘅感覺。店員十分友善，用心為我哋推薦菜式。
张贴
