我愛慢煮 (裝修中)

假日嚟到我愛慢煮餐廳食午餐， 係一間露營主題餐廳，  天花板有好大嘅帳幕，  製造郊外氣氛好relax！ All day breakfast全日早餐有香脆牛角包，金黃嘅薯餅， 鹹香味嘅煙肉，  有拉絲咁嘅芝士條，juicy大蕃茄同蘑菇扒， 炒蛋有黑松露味非常香滑！ 美式蜜糖芥末豬仔髀 六隻六隻大大隻每隻豬仔髀都佈滿甜甜甜嘅蜜糖芥末醬，  烤得好入味肉質嫩滑， 另外仲會有粟米紅蘿蔔同翠玉瓜！ 明太子海鮮意粉有青口魷魚同大蝦， 都非常鮮甜， 明太子加了芝士醬， 又香又creamy， 非常滿足 法國穀飼自然春雞燒春雞外皮香脆，  烤得好入味， 加埋上面嘅香草，味道十分濃郁 ，  肉質唔會太鞋， 另配有秘製醬汁，非常吸引 ！ 伯爵茶咖啡鮮奶咖啡香濃，伯爵茶味甜品配雪糕可以選擇朱古力，曲奇，玄米茶或海鹽味好特別！ 日式綠茶紅豆比利時窩夫配雪糕窩夫有兩塊脆卜卜, 中間夾住粒粒紅豆， 唔會好甜，配玄米茶雪糕茶味香濃！ 朱古力布朗尼蛋糕配雪糕布朗尼已切成細細件，可以食得好方便！ 蛋糕仲係暖粒粒，有香脆合桃增加層次感，加埋朱古力雪糕食到停唔到！