松坂庫 (已結業)

行嚟行去，到十點都未吃飯。經過見到有星座雪糕，記得雜誌介紹過，幾趣，入去試下先。入去明明冇人買，我一入去後面突然湧咗十幾人排隊，好彩﹏ 或者係我旺場，經常發生😝揀星座就無謂，當然揀啲坊間少見口味，要咗金牛座嘅港式菠蘿包粒芝士碎。可能習以為常，店員放乾冰前問我準備好拍片/影相未。一放乾冰二氣化炭即刻氣化，視覺效果澎湃，實際應該係令到個雪糕keep住凍啲嘅。食落牛乳味算重，雪糕軟身，啲芝士粒有啲硬鹹鹹地，塊菠蘿包就味道似但曲奇質地不過唔係鬆化嗰種，整體味道唔多夾顯平凡。個杯有一半放乾冰，實際只有半杯加埋頂嗰啲，好細杯，食完幫唔到我填肚，$38偏貴，試過就算。講好味道，city'super Sweets House Cha Cha高多一班+。