影片
更多
2016-02-17
710 浏览
繼前個星期零晨三點半遠征一蘭後，今晚又黎癲過喇 ﹗上次三人團雷棋俊，今次勁呀，一行九男女，兩架車由大埔飛出黎食宵夜。搞錯呀，零晨四點居然排長龍？班朋友仔即時化身為強國國民踎街邊，哈哈。依班大埔強國國民饑寒交迫，又醉又餓又冷等食麵，真可憐啊﹗清晨 4 點 45 分終於有位坐喇，陰功！等左足足 45 分鐘，終於可以坐低食野喇，好興奮啊！第二次幫襯，有過經驗後，依個宵夜我想食湯底濃度淡、油膩度普通、香蒜 1 份、走蔥、有叉燒、秘製辣汁 6 倍、麵超硬、加底、加紫菜、加木耳、加半熟蛋、加一蘭醋，正呀﹗十分豐富。半熟蛋紫菜木耳叉燒超硬拉麵走蔥加醋加底配 6 倍辣汁豬骨湯底，個名勁長囉，如果唔係用 order 紙的話，真係寫死人。兩小塊叉燒比上一次更細，應該叫做叉燒碎較為適合，瘦猛猛麻麻地，幸好拉麵跟湯底先係主角，叉燒只係點綴一下罷了！奶白色熱燙燙豬骨濃湯撈混辣粉變得紅卜卜，顏色鮮艷奪目，夠晒搶眼，食慾大增。飲返啖湯先，香辣無比而帶甜，調得剛剛好，下次可以再挑戰 10 倍辣呀﹗辣味夾雜住鮮甜豬骨味道，十分可口，令人一飲再飲。超硬麵非常有咬口，結實中充滿彈性，硬麵索湯力跟掛湯力都無與倫比！每一口都能
依班大埔強國國民饑寒交迫，又醉又餓又冷等食麵，真可憐啊﹗清晨 4 點 45 分終於有位坐喇，陰功！等左足足 45 分鐘，終於可以坐低食野喇，好興奮啊！
第二次幫襯，有過經驗後，依個宵夜我想食湯底濃度淡、油膩度普通、香蒜 1 份、走蔥、有叉燒、秘製辣汁 6 倍、麵超硬、加底、加紫菜、加木耳、加半熟蛋、加一蘭醋，正呀﹗十分豐富。
半熟蛋紫菜木耳叉燒超硬拉麵走蔥加醋加底配 6 倍辣汁豬骨湯底，個名勁長囉，如果唔係用 order 紙的話，真係寫死人。兩小塊叉燒比上一次更細，應該叫做叉燒碎較為適合，瘦猛猛麻麻地，幸好拉麵跟湯底先係主角，叉燒只係點綴一下罷了！
奶白色熱燙燙豬骨濃湯撈混辣粉變得紅卜卜，顏色鮮艷奪目，夠晒搶眼，食慾大增。飲返啖湯先，香辣無比而帶甜，調得剛剛好，下次可以再挑戰 10 倍辣呀﹗辣味夾雜住鮮甜豬骨味道，十分可口，令人一飲再飲。
超硬麵非常有咬口，結實中充滿彈性，硬麵索湯力跟掛湯力都無與倫比！每一口都能帶著凶湧湯汁一擁而上直衝味蕾，香辣甜美濕潤混上拉麵，無可抗拒既美味，只能埋頭苦幹地不停食！食到一半就要通知侍應將麵底送上喇，不設加湯，所以要食快一點以保持溫度仍然夠熱。加底唔夠喉，要再加底先可以免強止渴﹗太好食，要加兩次底先掂呀！
豆腐甜品，都幾甜喎，棉多過滑，一試無妨。一輪兇狠衝刺後，可作舒緩一下情緒。
半熟蛋紫菜木耳叉燒超硬拉麵走蔥加醋加底配 6 倍辣汁豬骨湯底
55 浏览
0 赞好
0 留言
半熟蛋紫菜木耳叉燒超硬拉麵走蔥加醋加底配 6 倍辣汁豬骨湯底
77 浏览
1 赞好
0 留言
半熟蛋紫菜木耳叉燒超硬拉麵走蔥加醋加底配 6 倍辣汁豬骨湯底
99 浏览
2 赞好
0 留言
豆腐甜品
29 浏览
0 赞好
0 留言
张贴
