影片
更多
2022-10-27
39 浏览
今晚特登揸車🚗入嚟屯門呢間人氣餐廳🍴，果然令我非常🈵️意，到而家都回味無窮♾️首先講下佢嘅隱世靚景，由於提早訂位，餐廳留咗個river side view ，未食嘢已經贏咗一半，建議早少少到，可以欣賞埋由光變黑不同時段嘅氣氛，雙重享受，內在環境簡約風格，歐陸風情，給人悠閑放鬆心情的感覺🤗近期熱賣嘅菜式有二款，都係for 4-5人用，分別係1⃣️活⿓蝦⼿抓海鮮桶套餐 (4人) $1688 2⃣️雙斧頭扒套餐 (4人) $1588 ，兩者都應該有不同嘅捧場客，不過我最期待同埋選擇左嘅就係活⿓蝦⼿抓海鮮桶套餐🥰由於篇幅關係，我首先介紹咗個主角出場先，當侍應將整個海鮮🦞桶🪣倒落一個40x80厘米嘅食物盤時，果種震撼感覺，到現在我仍然歷歷在目，聲響加上海鮮嘅香氣，絕非筆墨能夠形容，而帶比現場客人嘅興奮絕對係超值嘅視聽享受😎講番個海鮮盤，驟眼睇已經覺得份量十足，再數下海鮮種類都唔少，最過癮就係戴住手套摷下摷下好似尋寶遊戲咁，有🉐️食又有得玩🥳最正嘅當然係龍蝦🦞，大大隻好肉又彈牙，重點係手口並用，真係超爽，青口、魷魚🦑、卜卜蜆、海中蝦⋯⋯真係數之不盡，仲有印式薄餅，點埋啲海鮮汁，多重享受，正到吖👍🏻👍🏻👍🏻餐湯每
首先講下佢嘅隱世靚景，由於提早訂位，餐廳留咗個river side view ，未食嘢已經贏咗一半，建議早少少到，可以欣賞埋由光變黑不同時段嘅氣氛，雙重享受，內在環境簡約風格，歐陸風情，給人悠閑放鬆心情的感覺🤗
近期熱賣嘅菜式有二款，都係for 4-5人用，分別係1⃣️活⿓蝦⼿抓海鮮桶套餐 (4人) $1688 2⃣️雙斧頭扒套餐 (4人) $1588 ，兩者都應該有不同嘅捧場客，不過我最期待同埋選擇左嘅就係活⿓蝦⼿抓海鮮桶套餐🥰
由於篇幅關係，我首先介紹咗個主角出場先，當侍應將整個海鮮🦞桶🪣倒落一個40x80厘米嘅食物盤時，果種震撼感覺，到現在我仍然歷歷在目，聲響加上海鮮嘅香氣，絕非筆墨能夠形容，而帶比現場客人嘅興奮絕對係超值嘅視聽享受😎
講番個海鮮盤，驟眼睇已經覺得份量十足，再數下海鮮種類都唔少，最過癮就係戴住手套摷下摷下好似尋寶遊戲咁，有🉐️食又有得玩🥳
最正嘅當然係龍蝦🦞，大大隻好肉又彈牙，重點係手口並用，真係超爽，青口、魷魚🦑、卜卜蜆、海中蝦⋯⋯真係數之不盡，仲有印式薄餅，點埋啲海鮮汁，多重享受，正到吖👍🏻👍🏻👍🏻
餐湯每日不同，而且質素水準高，花茶☕️特飲都正，調教味道好啱口味😋，小食拼盤，即叫即做，熱辣辣，洋蔥🧅圈、豬頸肉⋯⋯等等，好有慶祝party feel ，最啱一班人生日聚餐🍹🍻
差啲唔記得呢個松葉鉗蟹蛋皇醬粗管粉，好足料，蟹肉份量多到爆燈，咁粗嘅意粉入口好得意，又好味🤤
一行四人，享受左一個非常愉快嘅晚上，由天光食到天黑，個個盡興而歸，直至到幾日後大家都回味無窮，已經相約下次再試下佢地個斧頭🪓扒套餐，真的十分期待🤗
张贴
