影片
更多
2017-07-20
276 浏览
永遠都係突然約既聚會先會齊腳！其實唔係第一次黎呢度打邊爐架啦，因為上次有好好既用餐體驗，所以今次大家都一致話要再黎呢度食！到底呢度有d 乜野咁令我地回味呢～～黎呢度打邊爐，就算係平日都要訂檯，因為呢度既檯都唔算多，所以無book 位就好講彩數有無得食啦今晚四人相聚，俾左張大檯我地有圖有真相架～～港式邊爐個醬都係靈魂之一來，好鐘意呢d 醬架！蔥呀、蒜呀真係我不能沒有你們～～除左個醬架之外仲放低左一揸檸檬薏米水，酸酸地幾清又幾開胃。岩架啦陣間食咁多野，飲汽水有汽會丁頂胃呀。order配料就梗係要叫個湯底先啦～呢度邊爐既湯底係一絕，真係湯黎，好好味，今晚就鴛鴦湯：醉雞湯同埋胡椒豬肚湯一擺低個鍋已經聞到好香既醉雞同埋胡椒豬肚湯，真係令人食指大動打開個鍋仲驚喜，個湯以邊爐黎講都叫足料架同行友人就話要把握未打邊前既時候飲多d湯⋯⋯我個人認為呢個行徑有d 奇怪，雖然我明個湯係好味啫，但係不能接受飲邊爐湯底，就算未開始打都好啦講完個爐就講下d 配料啦我地都係叫d 大路野，當然係有讚有彈，先講好既是日海鮮係蜆我好鐘意食蜆！！d 蜆又新鮮又大粒！！我地encore 左好多次呀不過我地寫4呀、8呀、都係黎得
其實唔係第一次黎呢度打邊爐架啦，因為上次有好好既用餐體驗，所以今次大家都一致話要再黎呢度食！
到底呢度有d 乜野咁令我地回味呢～～
黎呢度打邊爐，就算係平日都要訂檯，因為呢度既檯都唔算多，所以無book 位就好講彩數有無得食啦
今晚四人相聚，俾左張大檯我地
有圖有真相架～～
港式邊爐個醬都係靈魂之一來，好鐘意呢d 醬架！蔥呀、蒜呀真係我不能沒有你們～～
除左個醬架之外仲放低左一揸檸檬薏米水，酸酸地幾清又幾開胃。岩架啦陣間食咁多野，飲汽水有汽會丁頂胃呀。
order配料就梗係要叫個湯底先啦～
呢度邊爐既湯底係一絕，真係湯黎，好好味，今晚就鴛鴦湯：醉雞湯同埋胡椒豬肚湯
一擺低個鍋已經聞到好香既醉雞同埋胡椒豬肚湯，真係令人食指大動
打開個鍋仲驚喜，個湯以邊爐黎講都叫足料架
同行友人就話要把握未打邊前既時候飲多d湯⋯⋯
我個人認為呢個行徑有d 奇怪，雖然我明個湯係好味啫，但係不能接受飲邊爐湯底，就算未開始打都好啦
講完個爐就講下d 配料啦
火鍋配料
47 浏览
0 赞好
0 留言
我地都係叫d 大路野，當然係有讚有彈，先講好既
是日海鮮係蜆
我好鐘意食蜆！！d 蜆又新鮮又大粒！！我地encore 左好多次呀
不過我地寫4呀、8呀、都係黎得個四、五粒
花膠又厚又大塊，煲得耐都唔怕無左（不過都無左幾舊我懷疑），又正又好食呀～～～
牛骨髓大大碟，一d 都唔姑寒
鯇魚片新鮮（同行友人講，我無食過）
其他都係個d 正常野，間間都一樣唔會有分別架啦
講完好就彈，如果牛魔王要食好多肉或者要自己俾錢叫碟牛啦
因為叫左碟肥牛佢夠膽死上兩塊⋯⋯
不過因為今餐有咁多款揀，我地又唔係好好食牛，所以都無再encore
而且打邊爐既牛都唔會期望有咩牛味呀、咬口呀、aftertaste呀個d 啦
同埋d 菜應該無幫手洗，好多時都痴左d 發泡膠粒，放湯之前要檢查下先好落煲
呢度本身仲有甜品供應（frozen yoghurt)，但係因為部機壞左無得食甜品
講完食物就要講service 啦！
今晚因為老闆娘係度，各位侍應都好好服務，秒速收碟，自動加湯
薏米水飲曬就自動上多揸俾我地，老闆娘又幫我地斟
（老闆娘係度真係有好有唔好，d 侍應太過勤力，瘋狂加水）
火鍋配料
74 浏览
0 赞好
0 留言
张贴
