寶堡甜品 (已結業)

一向都支持街坊小店的，今日無意間走進鴨脷洲大街這間街坊甜品店，本不忍給這店一個喊面，但友人一句「你唔係咁都比得出OK嘛」，所以這個喊面是希望他們可以改進的，畢竟奶凍真是一樣非常之容易整得好食的甜品，但這店的奶凍確實與正常有一點距離。講些好的先，要先讚這個芒果奶凍的擺位及造型都好吸引，芒果亦都鮮甜好食，果肉夠多，芒果汁的味道亦配合芒果粒。問題就是出在那個奶凍，其實應該說是那個白色的啫哩，好夠彈力又韌，用匙都好難一入吓畢到入去，質感唔似平時食開軟滑的奶凍，反而似比啫哩糖更有咬口的大菜糕之類，味道無奶味，有少少乳酸味，可幸甜度都算適中，但這個絕對不可算是奶凍。希望店主真的可以在網上找尋一些奶凍的食譜，再重新研製過一個真正的奶凍。其他的芒果配套都做得好好的，只係中間那舊白色野，真係要比心機去整。