鴻運冰廳餅店 (已易手) 新餐厅

星期日早餐呢一度曾經拍過行運一條龍，所以就上嚟睇吓呢度嘅環境同埋試吓呢度嘅早餐。我鍾意呢度舊式感覺香港茶餐廳，有年紀較大嘅伙記，有既係一份親切感。座位嘅格式都係比較似傳統嘅香港茶餐廳風味。我特別鍾意呢種嘅間隔、裝修。呢度兩層樓高，位置寬躺，坐得舒服！ 我哋叫咗個沙嗲牛肉米粉，牛油餐包，火腿奄列。個價錢貴左少少，個早餐連埋嘢飲需要$45，出面食同類型嘅早餐大概都係$35到。至於食物嘅質素，同出面普通嘅沙嗲牛肉米粉差唔多。