影片
更多
2018-04-04
511 浏览
漢堡包店近年愈開愈多，而且間間都有唔同賣點，由平的、貴的、以至搞噱頭的都有。早前瀏覽網頁時，已經留意到有間來自摩納哥嘅漢堡店「Grubers」登陸九龍灣，據說餐廳係呢個品牌喺亞洲嘅首間分店，兒子一向是漢堡包的超級粉絲，趁假期前夕，心情特別靚，一於嚟試下新口味！餐廳位於九龍灣 MCL 德福戲院入面，店內地方頗大，佔地寬廣，而且佈置得十分型格，用餐區放了大量復古味濃厚嘅原木椅桌，配上粗獷嘅水泥牆、灰色石地板、深棕色皮沙發和鐵線燈等，裝潢充滿工業味。先去 counter 攞份餐牌細看，店子主打牛肉漢堡，口味共有五款，包括經典、阿根廷香料、墨西哥辣椒、松露，同埋一款本月推介嘅法國藍芝士，而配料就有芝士、生菜和番茄。如果想食得豐富啲嘅話，亦可以添加其他 Toppings，如煙肉、雞蛋、醃小黃瓜、蘑菇、墨西哥辣椒、脆洋蔥、新鮮洋蔥及焦糖洋蔥等，不過就全部都要額外收費。定價方面，單層芝士漢堡收 $65、而雙層芝士就 $95，另外客人亦可以加錢轉套餐，單層芝士漢堡 $88、雙層芝士漢堡 $118，包細薯條或沙律杯、汽水或凍檸檬茶。如果唔食牛肉嘅話，其實餐廳亦另備有香脆雞肉漢堡、素漢堡及熱狗等供客人選擇
餐廳位於九龍灣 MCL 德福戲院入面，店內地方頗大，佔地寬廣，而且佈置得十分型格，用餐區放了大量復古味濃厚嘅原木椅桌，配上粗獷嘅水泥牆、灰色石地板、深棕色皮沙發和鐵線燈等，裝潢充滿工業味。
先去 counter 攞份餐牌細看，店子主打牛肉漢堡，口味共有五款，包括經典、阿根廷香料、墨西哥辣椒、松露，同埋一款本月推介嘅法國藍芝士，而配料就有芝士、生菜和番茄。如果想食得豐富啲嘅話，亦可以添加其他 Toppings，如煙肉、雞蛋、醃小黃瓜、蘑菇、墨西哥辣椒、脆洋蔥、新鮮洋蔥及焦糖洋蔥等，不過就全部都要額外收費。定價方面，單層芝士漢堡收 $65、而雙層芝士就 $95，另外客人亦可以加錢轉套餐，單層芝士漢堡 $88、雙層芝士漢堡 $118，包細薯條或沙律杯、汽水或凍檸檬茶。如果唔食牛肉嘅話，其實餐廳亦另備有香脆雞肉漢堡、素漢堡及熱狗等供客人選擇，適合唔同口味嘅朋友。
點了兩個 Burger Combo，分別有阿根廷香料漢堡 ($88) 配煙肉 (+$10)、雞蛋 (+$10)、細薯條及奇異果汁 (+$10) 和松露漢堡 ($88) 配煙肉 (+$10)、蘑菇 (+$8)、薯條炸雞塊 (+$15) 及番石榴汁 (+$10)。
Sexy 招牌薯條原來每條都蘸左粟米粉先至炸，唔怪得食落特別香脆。至於 Chicken Nuggets，炸雞塊切成入口大小，上桌時仍熱辣辣，外層炸粉夠薄，食落好鬆脆，而內裡雞肉亦保持嫩滑多汁，配埋餐廳提供嘅蛋黃醬及茄汁吃，香口惹味。
輪到吃 Burger，據說店裡嘅漢堡扒，全部都喺摩納哥製作，連同醬汁、麵包等一同空運到港。漢堡扒用上法國草飼牛肉炮製，而且已預先混入了調味料。先嘗這個阿根廷香料漢堡，牛肉加左辣椒、番茄乾、茴香粉等香料調製，大小合宜，厚度適中，入口味道偏濃，伴以微酸嘅阿根廷香料醬，食落帶醋香，口感清新。
至於另外一個松露漢堡，麵包中間夾左漢堡扒，芝士、煙肉、磨菇、生菜和番茄。一口咬下，嘴巴即時充斥著香氣四溢的肉汁，細嚼下更可嘗到陣陣松露的幽香，非常誘人，值得推薦！據說店裡的 Burger，除了可以坐在餐廳慢慢歎之外，更可以買入戲院，邊睇戲邊食，非常方便，下次約朋友嚟睇戲時可以試下。
张贴
