影片
更多
2025-05-22
234 浏览
用咗OP咁耐，為咗大家嘅健康，第一次寫食評復活節前夕食完飯，同老公去散步心水來潮想食糖水，之前都有買過佢外賣糖水，都知佢唔係好好食但想食芋圓都冇乜得揀，加上難得的二人世界，諗住坐低吹下水，所以揀咗堂食首先佢間鋪已經冇乜人，但好多張枱都冇執，執完又冇抹，笠痴痴有個金毛後生女做樓面，成間鋪連埋我哋得三枱客，但等好耐都冇人嚟落單，個後生女好似好忙，又唔知佢忙乜，總之就行嚟行去，兩手fing fing 咁佢唔只堂食少人，連外賣單都冇乜，但個肥仔老闆做到就快叫救命咁，佢間鋪都至少開咗年幾兩年，但個廚房同成間鋪嘅運作，總之就一團糟咁見佢做緊推廣like完送湯圓，順便加埋好啦，粒湯圓放埋喺糖水入面，只能講粒湯圓極難食，硬到好似未煮熟咁，講難食佢真係世一個肥仔老闆喺𢳂糖水位走出嚟同對fd傾計，個金毛後生女入去𢳂糖水個位，一邊整食材一邊食佢枝電子煙，對住d食材噴煙，d煙都少，唔知以為佢整緊乾冰仲要唔只噴咗一次，好彩我冇帶小朋友去食間鋪本身衛生同招呼都已經麻麻，再加埋食電子煙整嘢食真心想講句「大佬，我俾錢嚟食糖水，唔係食你d二手電子煙😡😡😡😡」感恩揀咗堂食，令我幾想食芋圓都唔會再去，徹底地將li間鋪bla
復活節前夕食完飯，同老公去散步
心水來潮想食糖水，之前都有買過佢外賣糖水，都知佢唔係好好食
但想食芋圓都冇乜得揀，加上難得的二人世界，諗住坐低吹下水，所以揀咗堂食
首先佢間鋪已經冇乜人，但好多張枱都冇執，執完又冇抹，笠痴痴
有個金毛後生女做樓面，成間鋪連埋我哋得三枱客，但等好耐都冇人嚟落單，個後生女好似好忙，又唔知佢忙乜，總之就行嚟行去，兩手fing fing 咁
佢唔只堂食少人，連外賣單都冇乜，但個肥仔老闆做到就快叫救命咁，佢間鋪都至少開咗年幾兩年，但個廚房同成間鋪嘅運作，總之就一團糟咁
見佢做緊推廣like完送湯圓，順便加埋
好啦，粒湯圓放埋喺糖水入面，只能講粒湯圓極難食，硬到好似未煮熟咁，講難食佢真係世一
個肥仔老闆喺𢳂糖水位走出嚟同對fd傾計，個金毛後生女入去𢳂糖水個位，一邊整食材一邊食佢枝電子煙，對住d食材噴煙，d煙都少，唔知以為佢整緊乾冰
仲要唔只噴咗一次，好彩我冇帶小朋友去食
間鋪本身衛生同招呼都已經麻麻，再加埋食電子煙整嘢食
真心想講句「大佬，我俾錢嚟食糖水，唔係食你d二手電子煙😡😡😡😡」
感恩揀咗堂食，令我幾想食芋圓都唔會再去，徹底地將li間鋪black list 👍🏻
张贴