蟹仙海鮮蒸氣鍋 (仁愛街) (已結業)

雷聲大雨點小的海鮮蒸氣火鍋。入座時，職員介紹餐廳老闆本身做海鮮批發，所以海鮮必定高質。點了每位$399套餐，澳洲青龍 越南虎蝦都鮮甜，亦好驚喜其中一隻黄奄蟹係重皮蟹。加點一份安格斯肥牛(大) $228 中規中矩。然而，每人半隻的瀨尿蝦係事先蒸熟，店員指可以凍食或翻蒸，呢點應該同蒸氣火鍋有點背道而馳吧？！元貝 蟶子 同韓國蠔亦相當薄身。即使蒸左咁多海鮮，粥都唔鮮甜，職員仲要預先倒左一碗瀨尿蝦湯落鍋。收費亦有點tricky，落單時 店員推薦我地加$98升級一隻膏蟹，埋單先發現原來$98係指半隻，所以upgrade一隻膏蟹最後多收$198，值唔值就見人見智吧🤨 另外，要留意嘅係除左加一服務費外，每位粥底及醬油費多收每位$12，而星期五六日 公眾假期及前夕，每位多收$28。若果訂枱/落單時 事先同客人溝通會較好。總括而言，海鮮質素唔係差，但性價比低，而且好多額外收費都太進取。呢個價錢，有更好的選擇！