影片
更多
2012-04-22
43 浏览
住係北角的我，每次經過被米芝蓮指南評選為一星食堂的阿鴻小吃，總是有入去試食的衝動，但望見長長的人龍卻叫人吃不消，剛好今晚坐夜機回港，晚上九點人龍不見了，探頭入內，咦咦！ 有位渦？一個箭步飛撲入去，今晚終於可以一償所願了。 一口氣點齊了食家推介的 .....鹵水鴨舌，味道一般，什至可以話係唔夠味 ? 鹵水鵝片拼墨魚片，好耐冇食過咁韌的鵝片，唉，難道其他食家同我食的唔係同一樣嘢？ 但咁韌的鵝片在米芝蓮指南一星食堂內出現，我實在接受唔到囉！好在墨魚片都唔錯，好腍甜，墊底的豆腐反而係最出色的，好重豆香，加上吸收哂 d 鵝片和墨魚片的精華，好好味。蒜香雞，炸蒜片唔知係唔係放耐咗？ 上桌時已經是又軟、又濕了，雞亦只是一般水準，不過不失。芥末雞腳筋，原本沒有打算叫，因怕棘食唔到，但晚上九點幾只有芥末味，所以冇得選擇底下叫了一份，嚇！又 ok 渦，可以接受到，通常食雞腿時都當圾垃掉棄的腳筋，在這裡搖身一變成為主角，食落去覺得幾特別, 因它本身是冇味道的，所以入口的就只有醬油的味了，但也好爽口。南乳粗齋，幾好，南乳沒有油益味 （ 唔好笑呀，好多齋舖的齋係有一陳油益味㗎，可能係 d 南乳唔靚的關係啦）
一個箭步飛撲入去，今晚終於可以一償所願了。
一口氣點齊了食家推介的 .....
鹵水鴨舌，味道一般，什至可以話係唔夠味 ?
鹵水鵝片拼墨魚片，好耐冇食過咁韌的鵝片，唉，難道其他食家同我食的唔係同一樣嘢？ 但咁韌的鵝片在米芝蓮指南一星食堂內出現，我實在接受唔到囉！好在墨魚片都唔錯，好腍甜，墊底的豆腐反而係最出色的，好重豆香，加上吸收哂 d 鵝片和墨魚片的精華，好好味。
蒜香雞，炸蒜片唔知係唔係放耐咗？ 上桌時已經是又軟、又濕了，雞亦只是一般水準，不過不失。
芥末雞腳筋，原本沒有打算叫，因怕棘食唔到，但晚上九點幾只有芥末味，所以冇得選擇底下叫了一份，嚇！又 ok 渦，可以接受到，通常食雞腿時都當圾垃掉棄的腳筋，在這裡搖身一變成為主角，食落去覺得幾特別, 因它本身是冇味道的，所以入口的就只有醬油的味了，但也好爽口。
南乳粗齋，幾好，南乳沒有油益味 （ 唔好笑呀，好多齋舖的齋係有一陳油益味㗎，可能係 d 南乳唔靚的關係啦） 係清炒時蔬以外的選擇，不妨一試。
蔡瀾撈麵，其實只是撈麵，點解叫（蔡瀾）？ 因為蔡瀾鐘情用豬油煮的食物，而呢個係用豬油嚟做的，經他一讚後咪順理成章命名為蔡瀾撈麵囉，唔使我多講，係人都知豬油煮餸好香啦，所以呢個撈麵係全晩最精彩的。
题外话/补充资料：
個人感覺食物好普通，沒有一樣令我值得回去再食過的，加上慕名而來的人龍，不便宜的價格 ..... 還有這個價格重要比人撘枱（ 坐下四人枱後，因我們只有三人，後來被服務員姐姐加入另外兩個陌生人） 可以想像食物是何等的擠廹了，所以一次已經好足夠了。
相片質素不好, 因為用上新買的相機，Honey 不太深入探索如何使用，下次都係自己揸機好 d 啦？
(以上食记乃用户个人意见 , 并不代表OpenRice之观点。)
张贴
